sammy's profile~~~~~~~~~~~~~~~~~~~~~~PhotosBlogGuestbookMore  |  Tools Help |
|
7/28/2008 2008年7月28日 异常地晴朗 的確，有機會成爲另外一個6年…… 只不過，已經俾我扼殺咗了…… --------------------------------------- 也許一直以來都懂得去用煙酒來麻醉自己…… 雖然對比起上一次，自己已經大了8歲…… 自己身上有好多嘢都變了…… 身邊的人，身處的環境也變了…… 只不過，身上的某種東西卻並沒有起任何的變化…… 從前經常從王某人口中聽到那句話，前天對她說起，她說：“膩了……” 不知爲何，Green Lable從1變成2，而且有支還levelup 成爲了Blue Lable……（當中一定有誤會，是的，誤會） 發現自己的直覺變得很靈敏，尤其對某些事情…… 那一日終于來臨…… 好消息同埋壞消息同時間收到，而且都只係同一個消息…… 不過，當中好的比率一定會比壞嘅多好多……嗯……一定…… 突然覺得某個人好幸運，因爲我已經不是n 年前的我…… 否則，廣州的某國營事業又會多了一單生意…… 3年前的某個人更幸運，因爲當時的環境因素保留了他的狗命…… 7/2/2008 2008/7/2 清晨因爲差不多日出了，所以叫清晨 晚飯陪同阿媽去到Porter Square度食咗由日本人開嘅夀司之後 番到屋企，阿媽居然話要小睡一會兒 此時為10點 此乃一奇迹，事關來咗呢度兩年……佢一直都係用我部laptop追三色台嘅電視劇直到12點之後才願意訓覺……-_-# 不願把她吵醒，于是决定等佢訓天光…… -------------------------------------------------------------------------- 放咗假大概差不多兩個月了，穩工一事一直沒有著落。 其實6月份都冇點做過research，事關EURO CUP2008對于我來講係大事。 從小組賽一直睇到决賽…… 發現自己對于球賽嘅閱讀能力有出乎意料嘅發展 應該是拜何輝所賜吧。 睇波之餘，仲係賽前做足功課…… 唔知有冇機會做番個講波佬呢？ --------------------------------------------------------------------------- Celtics拿咗07－08賽季嘅NBA總冠軍。 可喜可賀。係KG，RA，PP呢3條A嘅合作之下，Celtics重現20年前嘅光芒。 KG終于得嘗所願，獲得職業生涯入邊第一個總冠軍戒指…… 可惜嘅係……我錯過咗佢哋個冠軍游行。miss咗一睹佢哋嘅風采之餘，仲miss咗影靚相，拿簽名嘅機會…… 話說，Celtics件波衫落場版……$80大圓……好貴…… ----------------------------------------------------------------------------- 橙色軍團被我批中，被俄羅斯嘅一班後生仔打到冇气……某人仲要唔信我講，死話唔同level…… 葡萄牙嘅後場失誤，斷送了自己嘅前途…… 西班牙一直表現得平平穩穩，果然不枉我從賽前就睇好佢哋……衆多的才子以及天才球員的努力……奪取08年EURO CUP…… BALACK……仲有乜嘢亞軍係未拿過嘅呢？ ------------------------------------------------------------------------------ 再次被人追問我幾時過HK…… 縱使前路未知，不過都想睇下究竟係點樣嘅一個opportunity
心中的牽挂，仍然不能放下。只是知道唯一可以做的，除了自己要努力之餘，還要把這事交給神。 Sammy |
|
|
