sammy's profile~~~~~~~~~~~~~~~~~~~~~~PhotosBlogGuestbookMore  |  Tools Help |
|
5/31/2008 CK，我抄你噶……1.隆胸兩邊隆哂要一萬，但隆一邊只需三千，估一四字成語
Ans：一波三折 2.話說有架飛機比人騎劫，d乘客會對劫機者講d咩呢？估一手機品牌
Ans：Nokia（落機呀～） 3.補時贏波，估一汽車品牌
Ans：保時捷 4.話說有間名牌鋪頭一折大減價，有個女人走左入去掃貨，但佢買完出黎之後就死左
佢究竟點死？ Ans：抵死 5.點解BB唔識笑？
Ans：因為可以笑的話，不會哭 6.拉乜野可以學到野？
Ans：Library 7.鍵盤入面邊個掣最靚仔？
Ans：F4 8.Ｌ訓低左會變成咩？
Ans：Aeroplane（L平） 9.咩毛最普通？
Ans：Normal 10.點解晌船上唔可以講笑話？
Ans：因為個海聽到會笑，咁就會引起海潚 11.小明自己做暑期作業，第二日，佢死左，點解？
Ans：因為自作業，不可活 12.天空之城，估香港一地方名
Ans：堅尼（離）地城 13.麥當勞叔叔個頭，估一國家名
Ans：緬甸（免電） 14.邊兩個英文字母最難教？
Ans：C、E，因為EC難教 15.學生最怕乜野魚？
Ans：東星班（Don’t升班） 16.乜野豬得一隻腳？
Ans：珍寶珠 17.魚無腳，蟹無翼，咁蝦無咩？
Ans：太郎 18.魚蛋粉入面有魚蛋，咩粉入面有雪糕？
Ans：Seven 19.有乜野唔可以擺入雪櫃？
Ans：秘密，因為不能說的秘密 20.承上題，邊個電視藝人唔梳得頭？
Ans：朱咪咪，因為不能梳的咪咪（不能說的秘密同普通話讀） 21.菠蘿係黃色，咁咩蘿係綠色？
Ans：Keroro 22.麥兜自己沖涼，估一近代文學作家名
Ans：朱自清 23.英文有廿六個英文字母，當E同T走左之後，會剩低幾多個英文字母？
Ans：21個，因為ET搭UFO走左 24.恐怖分子下面係乜野？
Ans：恐怖分母 25.承上題，咁中間係乜野？
Ans：恐怖分線 26.足球姓祝，籃球姓藍，咁柔道姓咩？
Ans：姓誕，因為又到聖誕，又到聖誕～ 27.大口仔搽紅唇膏，估一英文生字
Ans：Direction（大red唇） 28.六減二幾時等於零？
Ans：做六gei手勢果時 29.有怪獸入侵地球，我地應該點做？
Ans：唱進行曲（超人的主題曲歌詞：這進行曲，一高奏，妖怪便逃走～） 30.恭喜發財，估一國家名
Ans：比利時（比利是） 31.NDS同PSP對打，邊個會贏？
Ans：NDS，因為NDS係屈機（摺機）的 32.點解撩耳仔會好開心呢？
Ans：因為Happy New Year～ 33.冬甩個爸爸係邊個？
Ans：多啦A夢（片尾曲：冬甩個爸爸，冬甩個爸爸，多啦A夢） 34.晌多啦A夢入面，邊個人大個左會做醫生？
Ans：小夫 35.晌多啦A夢入面，老師病左會傳染比邊個？
Ans：大雄，因為野比大雄 36.承上題，佢最先傳染比邊個？（唔係多啦A夢人物）
Ans：小新，因為野原新之助 37.多啦A夢姓咩？
Ans：吳（片頭曲：多啦A夢唔～） 38.點解多啦A夢成日話睇唔到野？
Ans：因為佢伸手不見五指 39.點解呢個世界上有東京、南京、北京但無西京？
Ans：因為西經比唐三藏拎左 40.Hello Kitty見到Dear Daniel塊面上有個交叉，點解Kitty會打Daniel一巴？
Ans：因為個交叉係Miffy個口 41.地球爆左, 咁要走去邊度？
Ans：地球gei右邊 42.咩動物識打桌球？
Ans：鷹，因為鷹識桌球 43.九加四幾時等於一？
Ans：睇時針吧 44.一個中文字，分起來會很爽，合起來會很痛，猜動詞（18+）
Ans：咬 45.廣東出冬瓜，廣南出南瓜，廣西出西瓜，咁廣北會出咩？
Ans：出聲，因為講不（廣北）出聲 46.咩生果唔打字？
Ans：蕉，因為不打字蕉 47.有咩老鼠得兩隻腳？
Ans：米奇老鼠 48.承上題，有咩鴨得兩隻腳？
Ans：所有鴨（包括唐老鴨） 49.如何用三盞燈同一張凳營造一個緊張氣氛？
Ans：燈燈燈凳 50.柴、米、油、鹽，有邊樣唔係八十年代gei產品？
Ans：油，因為油不是八十年代～ 51.夫差係吳國人，西施係越國人，咁勾踐係咩人？
Ans：劉松仁 52.麵包A、B、C、D，邊個包係苦？
Ans：C，因為麵包師傅（C苦） 53.一加一幾時會等於三？
Ans：錯果時 54.晌咩時候零會大過二，二又會大過五？
Ans：猜包剪鎚果時 55.咩動物會撕爛條鰻魚？
Ans：蛇，因為余斯曼（蛇撕鰻） 56.小明比大明養，咁大明比邊個養？
Ans：狗，因為久仰大名（狗養大明） 57.益力多係咩味架？
Ans：你今日飲左未 58.李雲迪最憎咩理髮產品？
Ans：美源髮彩，因為美源髮彩，冇得「彈」 59.阿明同阿珊去打劫銀行，但事敗逃亡
但d警察追捕果時唔追阿明，淨係死追阿珊,點解呢? Ans：因為喜瑪拉雅山（起碼拉阿珊） 60.達文西密碼上面係咩？
Ans：達文西帳號 5/29/2008 神奇的事情發生了——我要繼續玩游戲連續兩個星期都有婚禮嘅舉行…… 上個星期，就係Elain同埋Steve嘅婚禮…… 雖然幫佢哋手搞婚禮係好辛苦…… 不過辛苦得來都係值得嘅…… PS：某人要求的wedding oath嘅英文版本，找不到一模一樣的……只能找到相似的…… 具體如下： Groom: I am here to state my worthiness and desire to be the husband of my love and to oath to her my fidelity, my passion, and my life eternal and to honour her above all else. ------------------------------華麗的分隔綫---------------------------------- 唔知阿媽受到D乜刺激…… 可能係呢兩次嘅婚禮…… 前幾日，阿媽突然無啦啦咁同我講：“如果有適合嘅女仔，咁咪嘗試下咯……” 一直以來，阿媽都係反對我係求學時期拍拖嘅最主要的人…… 所以，無論以前佢點問我，我都係回答：“冇啊……邊有拍拖呢……” 不過，都係有一次承認咗……如果唔係佢發現我同人哋影嘅相……我都唔會認嘅…… 但係呢次，佢咁突然同我講呢D咁嘅嘢……嚇親我…… 只不過，就算佢係咁樣同我講…… 我都係决定繼續同佢玩呢個游戲…… 而呢個游戲就係…… 無論佢問我有冇拍拖……我都係會回答：“冇啊……有我一定話你聽嘅……” 嗯……呢個游戲應該會好好玩嗟…… 5/24/2008 Laptop死而復生……話說係阿媽睇緊銀樓金粉嘅時候…… 部laptop無啦啦自己關機…… 繼而再開機個時，個screen就已經顯示唔到任何嘢了…… 於是，心情又開始down咗少少了…… 動手能力強嘅我……又拿起把螺絲批，開始拆Laptop了…… 拆咗內存個蓋，唔覺有任何問題哦……咁就繼續拆埋個硬盤啦……都係冇問題…… 咁就唯有好無奈咁打電話給Friend求救了…… 點知又冇人接哦…… 想打去HP個customer service啦……穩來穩去都唔見部laptop上邊有寫個電話係度…… 百般無奈之際，突然想起部psp可以上網…… Google->HP-?customer service…… 終于穩到個電話……打過去……又係個D咁嘅聲控留言……最後都有人接…… 一定係黑人，仲要係好重口音嘅黑人…… 同佢講晒我嘅問題之後…… 問埋我嘅sn，之後就話可以遠程遙控我就可以搞掂個問題…… 然後佢居然同我講佢有兩個option給我…… 一個就係一次性維修，收費$14.99 另外一個就係一年內都幫妳搞掂所有問題嘅服務，收費$99 頂，梗係揀14.99算啦…… 好啦……本來以爲佢會講個解决辦法給我啦…… 點知，佢居然同我講部機嘅型號唔係屬于美國範圍內，唔識維修……叫我自己上網，去中國嘅HP customer service度叫人幫手…… 頂佢個肺……如果我可以咁容易就上網嘅，我洗鬼問佢啊…… 最後，自己一樣繼續用PSP係番美國HP嘅website度穩到部laptop嘅型號……然後trouble shooting…… 搞掂…… PS：原來拆咗兩條內存出來，之後裝番落去就搞掂了…… PS2：但係我完全唔明內存同個screen有乜關係呢？ 5/18/2008 2008年5月11日今日，對于北京時間來講，應該係四川地震後嘅第七日…… 已經唔知有幾多人係呢次地震中受傷，唔知有幾多不幸嘅人過身…… 值得感恩嘅係同時都有許多人經過救援人員嘅幫助下救番條命…… 此刻，懇求睇到呢篇嘢嘅人，能够用妳哋少少嘅時間…… 誠心咁為這些地震嘅灾民祈禱…… ---------------------沉重的分隔綫---------------------------- 連日來，我睇過無數咁多關於四川地震嘅新聞，圖片，視頻…… 除咗哭泣落泪，更多嘅時間係思考呢次事件嘅emergency planning/emergency action。 天灾人禍我哋冇人想佢發生……但係事件嘅背後又有幾多嘢係值得我哋去深思嘅呢？ 中國呢一個泱泱大國，係現今經濟高速發展嘅時候，卻忽略咗好多民生嘅問題…… 縱使衆多學校嘅倒塌嘅原因之一係建築設計上嘅問題…… 寬敞嘅室內格局，令到抗震嘅能力大打折扣…… 磚石嘅建築材料也是另外一個原因…… 對于四川呢個位于地震高頻區嘅地方來講…… 政府嘅政策要求係建築物嘅抗震能力係6級以上…… 正是這一政策，我們才能見到有如此衆多的高樓在這次地震過程當中仍然屹立不倒……避免了更多的傷亡…… 當然，唔少得嘅就係呢D高樓大厦嘅混凝土加鋼筋嘅建築材料啦…… 但係究竟點解廣大農民明知道政府嘅呢個政策，又唔用擁有更好抗震能力嘅材料來起樓呢？ 唔排除係農民自己為咗節省成本，而用便价嘅材料…… 但係既然政策已定，爲何沒有人去監管？ 相反，點解身為人民公僕嘅政府官員身處嘅政府大樓，一D事都冇？ 此時此刻仍然能够坐係豪華嘅辦公室入邊指揮救援工作？ 唔通就係因爲擁有十幾億人，死幾萬個冇所謂？ 記得以前上歷史，政治課嘅時候，教科書講過呢個國家係由人民當家作主嘅國家…… 但爲何如今係政府大樓門外請願嘅市民/國民會被拒之門外？ -------------------------憤怒的分隔綫-------------------------------- 短短嘅呢個星期，不斷被人challenge我對某些事情嘅睇法…… 原因就係我睇咗好多好多與某些書籍，雜志，媒體報道相反嘅嘢…… 我不得不重新思考究竟乜嘢先至係事實…… 究竟宜傢嘅人係咪不斷咁給人精神洗腦？不斷咁給人灌輸緊一D某D人想佢哋知道嘅“事實”？從而相信呢班人所講嘅嘢，而忽略真正嘅問題所在？ 基督教係咪真係正如中國教育部審核嘅歷史教科書入邊講嘅一樣，只不過係資本主義國家爲了統治人民而創造出來嘅一個組織？如果係咁，咁衆多嘅歷史證據又如何解釋呢？
真係越講越火滾……破戒都要講噶了……我叼…… 曼聯最强11人……以下內容轉自www.gooooal.com 曼联第10次夺取英超冠军，英国通讯社撰写专栏文章，评出了曼联在英超16年历史上的最佳阵容。
呢11個球員，我相信，除咗Arwin之外，冇邊個唔識佢哋…… 當中，更有唔少嘅球員係伴隨住我嘅成長…… 足球……毫無疑問嘅係我生命入邊其中一個重要嘅元素…… 從2年級加入校隊之後……足球就成爲我人生當中不可劃卻嘅一部份…… “當你拿到球嘅時候，就要當所有觀衆嘅注意力都集中係你身上。努力將球帶向對方嘅龍門，即使一步都好……” 5/17/2008 恭祝Andy Lau & Victoria Kuok百年好合，永結同心。2008年5月17日，又是一個值得開心以及紀念嘅日子。 培正嘅校友，Boston嘅Friend，EBCM嘅教友…… 係今日終于結束佢哋11年嘅愛情長跑，拉埋天窗啦…… 恭喜恭喜…… 曾經睇過一出戲，係入邊，個男主角問女主角最中意wedding party入邊邊一part。 當時嘅我，同時問緊自己同樣嘅一條問題，但係卻完全冇答案…… 但係宜傢我可以回答呢個問題了…… 就係當新娘嘅父親挽住新娘嘅手，新娘微笑步入教堂，新郎面帶笑容望住佢哋入場嘅時候……係呢一刻，佢哋眼中只有對方。在場嘅親朋好友都望住佢哋，從心裏默默咁祝福呢一對新人。希望佢哋係以後嘅日子入邊能够更加珍惜以及愛護對方。 同埋係新郎新娘互相對對方說出誓言，“我×××，在衆親友及天父的見證下，願意娶×××為妻子/嫁×××為丈夫，無論生老病死，貧窮富裕，都不離不弃。” 人之間嘅相愛，係因爲神先愛我哋。我哋先至可以把這份愛傳達給周圍的人…… 正是這份愛，唔識吹saxophone嘅Wilson，連日來艱苦練習，就係為咗係今日為佢大佬嘅婚禮作出伴奏。劉Uncle,劉Anti，郭Uncle同埋郭Anti就一齊唱詩歌祝福呢對新人…… 呢個場面，如何地溫馨，如何地感人…… 這一切一切都係因爲愛…… 愛，令到Andy同Victoria從未分開…… 即使相隔兩地，一個香港，一個加拿大…… 再到一個係加拿大，一個係美國…… 縱使呢段時間入邊佢哋一直係以email同埋電話來保持聯繫，維繫佢哋嘅感情…… 卻沒有如其他人預想一樣，出現分手的結局……
再一次，再一次祝福呢對新人…… 希望佢哋嘅生活能够做出好嘅見證…… 5/10/2008 睡眠嚴重不足 呢一個星期……final week……結果就係連續5日通宵直踩落來…… 期間好綵嘅話就有幾個鐘頭可以訓陣…… 最終導致嘅結果就係，屋企包咖啡給我飲咗大半包…… 係寫呢篇嘢嘅同時，仍然為12點要交嘅嘢奮鬥ing…… 之後仲要過BU拜托人哋運貨…… 癲了癲了…… 突然發現北師嘅final week有兩個星期實在係太幸福了…… PS：小小b4某人盜竊我果個華麗嘅分隔綫…… PS2:本年度不回歸幾率達到80%……>_< 願天下有情人終成眷屬 http://www.appleorange.org/ 呢條link係一對將要係5月份開始佢哋人生嘅另外一個階段嘅一對情人嘅website。 縱使佢哋個story我聽過好多次……但係……再次睇番，都係咁sweet…… http://picasaweb.google.com/speedmi/AndyVictoriaHelpersParty 呢度係第二條link……今日一個婚禮helpers party嘅相…… 主角係Andy 同埋Victoria…… 祝福呢兩對新人…… 當然仲有係6月份結婚嘅青青…… 哦哦……當然就更加唔少得11月結婚嘅呂小姐同埋林先生啦…… 願天下有情人終成眷屬 PS：第二條入邊個個細路女係咪好得意呢？ 5/4/2008 禍不單行 收到一封令到自己唔開心嘅信之後…… 係更新緊手機嘅firmware嘅時候……居然整跌咗條數據綫…… 導致目前手機還是開唔到機…… 唉…… down埋個軟件落來重新試多次睇下有冇得救先…… 祈禱啊祈禱啊…… 5/3/2008 I just wanna breath again經過漫長嘅等待……O2mania再次進入我的Laptop…… 久違嘅旋律，動聽嘅音符，仲有個D充滿回憶嘅動畫衝擊住我腦中思考嘅潮水…… 最近大腦仍然被某條含有變量時間（t）和距離（s）嘅formula占據住…… 千里之外，遙遠的彼方那份心情是如何，我縱然不知…… 也冇辦法知道…… 倘若S不是取了最大值……那麽這方程式f還是可能會有結果的…… 很想好似上年咁番去過暑假…… 但係，校方的答復遲遲未收到，還有那3個朋友的婚禮……（原本扁咗嘅荷包仲要給人情……人生啊……） 種種的原因導致了暑假唔可以番去…… 但係，番去又点？可以改變到D乜嘢？ |
|
|
