sammy's profile~~~~~~~~~~~~~~~~~~~~~~PhotosBlogGuestbookMore  |  Tools Help |
|
2/26/2008 2月26日，雪
點解對人字拖係女裝噶。。。。而且仲要剩係得女裝……it's unfair..... 以上D嘢都好好睇，但係D歐羅就更加好睇…… 美國呢邊本身就貴噶啦……點知……係歐洲就更加貴，美國嘅double……癡綫噶…… 唔知上海間鋪會唔會便過HK嘅呢？ 2008年2月16日，晴轉自榕樹下：
白芳礼，你可能使《感动中国》走向末路
现在的《感动中国》究竟是感动中国还是在感动媒体？我们可以仔细地在思考中发现：感动中国已经成为了十足的政治秀。我是一个对政治嗅态不十分敏感的人，我发现虽然白礼芳没能感动媒体的评论员们，但是感动了所有曾经为董存瑞们所感动的有良心的中国人！
http://news.sohu.com/s2005/05baifangli.shtml sohu關於他的報道…… ---------------------------------------------------------------------------- 或者呢段新聞，呢個人對大家來講可能已經係舊事…… 但係我就剛剛先至睇到…… 或者同我自己所寫嘅個份scholarship essay有關…… 我自己睇到關於佢嘅文章嘅時候，真係喊晒…… 原因好簡單，係對D所謂嘅愛國嘅憤青感到悲哀，對佢哋幼稚嘅行爲感到無奈…… 而這麽一個平平凡凡嘅老人，卻能够把自己所穩嘅一分一毫囬饋社會…… 的確，35萬唔係好多錢…… 但係試問，有幾多個人真係拿過呢個數字出來去幫助D貧困嘅學生讀書…… 唔好話35萬，3500，甚至350都冇…… 一個人嘅一生係呢個世界活得有冇意義……唔係在乎佢穩到幾多錢…… 而係，佢係死后，留咗D乜嘢給世人…… ------------------------------------------------------------------------------- 尋晚完咗團契之後，4條友仔去咗finale度飲嘢…… 一起吹水，一起發表對身邊所發生嘅事情嘅見解…… 無意中同阿paul嘅對話當中發現自己已經對事情有咗個答案…… 的確，個樣嘢唔係第一個考慮因素…… 2/13/2008 2月13日，雨雪尋晚訓覺嘅時候，唔知點解，個腦中突然出現咗一D關於家人嘅想法…… 而今日打開個Q嘅時候，發現有人send咗一段同我尋晚個時個想法差唔多嘅一段嘢給我…… 有冇咁巧合啊…… 不過，其實係我未過來美國之前，呢種想法已經係我個腦度出現…… 無啦啦令我想起個X curve…… 其實，我相信只要係中國人（係外國長大嘅個D除外……冇人性嘅……） 佢哋嘅家庭觀念都會好重……對家庭都會有份責任感係度…… 唔會好似我係呢邊見到嘅個D咁嘅ABC咁…… 到咗21歲之後，就覺得同屋企冇晒關係……咩都唔理…… 好似離題了……哈……
試問有邊個唔想自己嘅父母可以安安樂樂咁過生活…… 有邊個唔想自己有能力供養自己嘅父母，等佢哋可以提早退休…… 眼睜睜睇住自己阿媽唔識英文，去做D以前從來都唔做嘅嘢…… 睇住佢日日到晚黑10點先番到屋企……辛辛苦苦咁為咗我呢個不孝子去做嘢…… 講真，好心酸咯…… 口口聲聲叫佢番去廣州同老豆一起唔洗咁辛苦…… 但係……我有能力咁做咩？ 我可以令到佢唔擔心咩？ 無論自己幾大都好，無論幾有能力都好…… 係老豆老母眼中，我永遠都係細路仔…… 佢哋始終都會擔心……
經過尋晚，突然間覺得自己嘅壓力無意之間又增大咗…… 突然間想到，即使到咗兩年後，自己有個個能力去解决目前面對嘅問題…… 但係，呢兩年入邊會發生D乜嘢事，有邊個會知？ 而且，唔通真係唔理屋企人？ 不過無論點都好，自己嘅long term goal始終都係唔會變…… 而個D short term嘅，係我向個long term進發嘅道路嗟…… 生活同埋奮鬥目標始終都係冇變……
to me, to YOU, to everyone who read this message: 努力，為咗實現自己嘅目標去奮鬥…… 唔好令自己後悔，唔好過咗10年之後因爲自己當初冇努力過，冇爭取過而後悔…… 加油…… 2/11/2008 2008年2月11日，風今日終于有機會睇完高清Blue-ray Dvd嘅300……中國翻譯成Spartan 300…… 再一次令我想起某人同我提過嘅leader skill…… Leonidas帶領300個士兵對抗數不盡嘅波斯軍隊…… 當年毛澤東則帶領X個小米加步槍嘅共産黨兵仔…… 對抗人哋拿住强勁軍火嘅國民黨兵…… 雖然佢哋兩個嘅結果一個係成功，一個係失敗…… 但係卻同樣remind咗我有D乜嘢我係需要注意嘅…… 一個正確嘅計劃，一個唔怕失敗嘅决心，一份勇氣…… 而呢D嘢，並唔係先天就擁有嘅…… 縱使有人天生就有做leader嘅天分…… 但係佢嘅技能始終係需要磨練同埋成長……
嗯，I am back……with the courage. 2/9/2008 2008年2月9日，陰尋晚本來11點幾就上床訓咗，但係點知係1點嘅時候再次醒番…… 然後就一直訓唔到覺，直到6點幾嘅時候先至可以訓番…… 點知一覺訓到今日下午嘅5點……癲了……
身心開始疲憊……好想可以快D結束呢種狀態…… 發現無論講乜嘢都好都會得罪人…… 開始覺得自己唔識講嘢…… 唔知係咪應該穩塊膠布封住自己個口呢？
連日來嘅進食量都好少…… 可能係冇咩胃口……又可能係自己生物鐘已經亂咗…… 宜傢12點未到就已經開始覺得眼訓…… 所以决定上床訓覺……但係…… 究竟會唔會中途又醒過呢？
聽日church會搞個新年嘅party，我居然係度考慮緊聽日番唔番去…… 係度懷疑自己係咪開始唔想見人…… 2/8/2008 2008年2月8日，雪無啦啦個種莫名嘅恐懼感再度出現…… 後果導致呢段時間一直都唔可以好安心咁訓覺…… 又或者係訓到一半嘅時候…… 一股從內心湧出來嘅個份恐懼把我從睡夢中叫醒…… 進而係緊接著嘅個幾個小時都訓唔到…… 雖然自己知道呢種恐懼嘅原因…… 但自己卻沒有能力把它克服……
即使這份恐懼係第二次出現…… 對上個次經過咗半年之後，因爲客觀條件嘅改變而令到這恐懼感自然消失…… 但係，呢次嘅呢個，又要歷時幾耐呢？
感到自己嘅懦弱，無能……世界之大…… 知道一切嘅事都係按照神所預備嘅計劃所進行…… 以人嘅智慧，能力，根本係冇辦法可以知道神想係我哋身上要做D乜嘢…… 屬靈生活上，再次發生衝突…… 只是相信神所安排的，應允的……都會發生…… |
|
|
