sammy's profile~~~~~~~~~~~~~~~~~~~~~~PhotosBlogGuestbookMore  |  Tools Help |
|
11/24/2007 Long Distance兩次的Long Distance，兩次相同嘅結局…… 雖然明白LD係好難，身邊也有太多嘅LD失敗的例子…… 不過，都有成功嘅例子嘅…… 只不過，唔知點解發生係我身上嘅，都係失敗嘅咯…… 呢一個星期，又開始失眠…… 又繼續多嘢想…… 尋晚突然想起有個人係05年底同我講過嘅一番說話…… 記得個時佢同佢個時嘅男朋友成日吵交…… 內容無非都係關于個男仔冇時間陪個女仔…… 個男仔同個女仔講：“我買車，買樓，做嘢做得咁辛苦為咗D咩？雖然我知道我真係好少時間可以陪到你，但係都係想我哋以後嘅生活可以好D嗟……我仲以爲你明白，瞭解……估唔到你仲成日係度發我脾氣……” 有時真係唔明，真係乜嘢都可以成爲女仔撩起吵交嘅理由嘅…… 唔陪佢又吵得，窮又吵得，冇上進心又吵得…… 始終都係認爲男人係某個年齡之前，事業都係重要D嘅…… 唔通真係有情飲水飽咩……我就唔信冇麵包嘅愛情可以長久得幾耐…… 就算兩個人結婚，如果個生活真係唔安穩嘅…… 唔通女方家庭就唔會給壓力個男仔？ 唔通佢哋就唔會complain？ 想當初，當我知道野猪嘅情况嘅時候就已經為佢擔心…… 畢竟，家庭相差太遠。而佢又係一個咁傳統嘅男人…… 事情發展嘅結局冇出乎我嘅意料……不過卻估唔到個原因同埋個對手會係個咁嘅人…… 其實，作爲朋友，見到隻野猪宜傢咁樣，我真係覺得好欣慰…… 至少，佢爬番起身。 要佢忘記就真係好難噶了……不過起碼，唔會再好似以前咁傷感…… 但係，始終都係希望佢可以睇定D，睇下雙方係咪真係適合大家…… 我唔可以講個女仔D乜嘢，畢竟我唔識佢，唔瞭解佢係一個點樣嘅人…… 仲記得係8月份某個下午，係北京路某間嘢入邊飲嘢嘅時候，同另外兩個F所bet嘅嘢……嗯，冇錯……我哋都輸咗，超過3個月了……咦？咪住，仲有6日……仲有6日先至係真正嘅輸…… 但係，有時覺得，為咗一個朋友而詛咒一段感情……罪來噶啵…… 5555555555……左右做人難，手心手揹都係肉…… 唉……你兩個，好自爲之啦…… PS：我有可能1月份番廣州兩個星期…… 11/21/2007 tomorrow is thanks givingthanks giving，感恩節，唐人俗稱火鶏節，因爲每年嘅呢個時候，家家戶戶都會係屋企煮隻火鶏來食，所以有個咁嘅名。（PS：點解我次次都打成火機……-_-#） 好好好多年前，從歐洲大陸來嘅移民，係美洲呢個地方人生路不熟。就係11月底嘅呢個時候，佢哋所帶來嘅食物已經食晒，而且落住好大好大嘅雪。就係佢哋面臨餓死嘅情况之下，當時嘅本土居民，即係俗稱嘅印第安人，給咗D火鶏（又係火機）佢哋幷且教咗佢哋煮火鶏嘅方法。個批歐洲移民為咗紀念當時給佢哋食物嘅印第安人，所以就有個咁嘅感恩節來紀念佢哋。 我已經唔記得咗上年嘅thanks giving 係點過噶啦，剩係記得係thanks giving嘅後一日，同咗wilson, kenji, chris去咗premiem outlet度shopping，買咗隻bose嘅耳機。thanks giving其實應該係一家人一齊過嘅，但係…… 呢排終于得閑番D，online 睇咗d 唔同嘅space，發現自己miss咗好多嘢。或者呢D就係opportunity cost，當你要獲得一樣嘢嘅時候，必須要付出另外嘅一D嘢來換取。中國人俗話說：“沒有付出就沒有收穫。” no pain, no gain. 有時問番自己，呢D犧牲係咪真係值得呢？time, entertainment, relationship, friendship, all of these were gone because I was focusing on my business. I don't know whether these were valuable or not but I am sure I have to sacrifice if I want to be successful. 同咗一個將近一年冇講過嘢，冇聯絡過嘅人傾番計。有時，曾經有個想法出現係我個腦入邊，如果當初我哋大家嘅情况調轉，咁我自己會點做呢？係穩藉口來掩飾自己所做過嘅嘢，定係將個真相講出來？本來今年番來boston之前，曾經懷疑過呢種情况會唔會出現係我自己身上。However，it didnt happen.或者應該講係發生咗，只不過係用另外嘅一種形式出現而已。 我曾經有問過自己，咁樣做究竟算點。但係生活令我唔可以花太多時間去想呢個問題。或者應該講係我知道，剩係飲水，係唔會飽嘅…… 或者呢D就係我自己給我自己嘅藉口，但係，當現實擺係你面前，當你要自己去穩嘢做來養屋企，供自己個D TMD昂貴嘅學費嘅時候，每個人都會咁樣做挂…… I am still sure it is worthy and I will be success. Nothing can beat me down. 落雪啦……今日落咗boston今年嘅第一場雪（雖然兩日前落過少少，不過，我睇唔到，所以唔算……哈哈哈） 一如既往嘅忙，同樣嘅早出晚歸…… 當自己真係有時間坐低係度思考下發生過乜嘢事嘅時候…… 突然發現好多嘢已經變咗…… 究竟呢D變化係好定係壞，我唔知。不過，我非常非常相信，呢一切一切嘅發生，都係來至神嘅安排。一定有佢嘅目的嘅…… ----------------------華麗的分割綫再次出現------------------------ 喜報完了，係時候報憂了…… 今日開會嘅時候，個manager同我講我嘅驗身報告出咗。 而份驗身報告提及到我身體出現咗問題，某個數據唔正常…… 究竟係乜嘢事，我都未知。因爲份驗身報告我都未收到……唯有收到個時再拿去問醫生咯…… 雖然自己都擔心，but我會提醒自己唔好去擔心一D自己都未確認嘅嘢…… 11/13/2007 Daemn......totally have no idea what happened.... after dropped two courses, and got the message from Wallis... Daemn... the number changed... fcuk.... 11/12/2007 -_-#好忙啊……哇……如果日日繼續係咁落去……遲早被榨乾…… 連續幾日打電話……但係打過去次次都係話out of service…… 頂……唔打又話唔打……打又打唔到……咁點啊……玩嘢咩…… fcuk…… 11/6/2007 存在絕非偶然你是你總有因，你是神精密計劃的一部分。 你是祂完美寶貴的獨特設計，是祂至愛的男人或女人。 你像你總有因，神是絕不會出差錯， 祂把你孕育成形，正式祂所深愛的那人。 神爲你挑選雙親，不論你感受如何， 他們是神照祂計劃爲你量身特製， 並蓋上大師的特許印章。 不！你所面對的不幸遭難絕非易事， 神也爲你傷痛淚痕溼， 神允許這一切發生來塑造你的心， 要你長成祂的樣式， 你是你總有因，上主用杖練你成形。 親愛的，你是你， 因爲我們有一位神。 --------------------------------俺是華麗的分隔綫-------------------------------------------- 我們有遇到困難的時候； 我們有覺得自己的出生是一個錯誤或不幸的時候； 我們有抱怨過自己父母的時候； 我們有埋怨過自己生得唔夠高，唔夠靚仔/靚女，身材唔夠其他人； 我們也會對自己生長的這個地方發惱騷。 但是，這一切一切都在神的掌握之中， 神為我們選擇父母，祂知道這二人有合適的遺傳因子，把你照著祂的心意創造出來。 無論自己的出生是否在父母的計劃內，但卻是神所安排。 在創造世界之前，神已經挂念著你。 正因如此，祂創造樂世界！ 神設計這個星球的環境，讓我們可以生活在其中。 假如沒有神，我們每一個人都不過是個“意外”，是宇宙中隨機出現的産品。 這樣的生命沒有目的、沒有意義、也不重要； 人世間嘢沒有對或錯，在短暫的人生之後也沒有盼望。 然而神確實存在，祂特意創造你，是你的生命有深遠的意義！ |
|
|
